عارف طيب مستني ايه ........موضوع مهم جدا الكل لازم يدخل

صدقينى أنا عارف

صدقينى أنا عارف إن الصلاة فرض وإنى لازم أصلى فى الجامع

صدقينى انا عارف إن السجاير حرام وإنها بتضيع فلوسى وصحتى

صدقينى أنا عارف ان القهاوى حرام

صدقينى انا عارف إن المفروض ما أرتبطش بالبنات وأكلمهم وإنى إلى هعمله معاهم هيتردلى فى عيلتى

صدقينى انا عارف إن أنا على غلط وإن أنا كده قريب من النار

صدقينى أنا عارف أن الحشيش والإستيلا والمخدرات حراام وبتضيعى عقلى وبتخلينى زى الحيوان

صدقينى أنا مش وحش وأنا بحب ربنا وبحب النبى صلى الله عليه وسلم

صدقينى .... وصدقينى .... وصدقينى.......

صدقينى أنا عارفه إن شعرى لا زم أغطيه وإنى باخد بكل شعرة بتبان منه سيئه وإن كل شاب بيتفتن بيا باخد سيئه عليه

صدقينى أنا عارفه انى إنى لازم أصلى و إنى أحافظ على نفسى لحد ما أتجوز

صدقينى انا عارفه إن المفروض مقعدش على قهاوى وأشرب شيشة

صدقينى انا عارفه إن المفروض محدش يلمسنى غير إلى يحل ليا بس

صدقينى أنا عارفه إنى المفروض ما أنزلش من بيتنا بالهدوم دى

صدقينى ...وصدقينى ...وصدقينى........

وفى الأخر إدعيلى ربنا يهدينى

معلومة بسيطه ...المعرفه غير الإيمان ...

إنك عارف أن الصلاة فرض مش كفاية كلنا عارفين المحشش أو إلى بيخدر وبيسمع الأذان بيوطى صوت الكاسيت وقت الأذان إنما لو كان مؤمن كان نزل صلى

انا عارفه إنك عارفه إن الحجاب فرض بس فين حجابك فين إيمانك إنك لازم تكونى عفيفة إنك أغلى من الجواهر(متقوليش القماشة إلى على الراس دى حجاب مش هنضحك على بعض)

انتو فيــن ورايحين فين

أنتوا مستنين إيـــــــــــــــــــــــــــــــه؟؟

مستنين إن أخوك أو أختك أو بنتك تموت قدامك وهى بتعمل المعصية

مستنى إن ربنا يبتليك بسرطان ولا شلل عشان تتوب وتفوق من إلى أنت فيه

مستنيه إن ربنا يبتليكى بمرض جلدى عشان تخبى جسمك ?

ولا مستنى ربنا يعميك بعينك إلى ما بتسيبش بنت معدية إلا و فحصت كل حته فيها

مستنى إنك تدخل القبر ويسألك الملكين من ربك ومن نبيك وما دينك هترد بإيه ..هرتد بإلى كنت عايش عليه فى الدنيا كنت بتعيط عشان حبيبك ومعيطش من خشية ربنا كنت بتبص للبنات ومبصتش فى كتابه تقرأ قرآنه هتقول إيه لنبيك على الحوض هتقوله انا بحبك بس مبسمعش كلامك
؟؟؟؟؟؟ فوقوا يا اخواني الدنيا فانيه ولا تساوي عند الله جناح بعوضه
من النهارده قول يارب مليش غيرك وجاي لك يارب
وهبطل كل اللي يغضبك يارب عشان انا بحبك
يارب اهديني واغفرلي يارب ذنوبي
انا العبد المقصر يا رب تولني برحمتك
وفي النهايه اوصيكم ونفسي بتقوي الله واعوذ بالله ان اكون جسرا تعبرون به الي الجنه ثم يقذف بعد ذلك في النار لا تنسونا بصالح الدعاء في ظهر الغيب