شغلنى.. شكرا..قصه كوميديه موووت هتفطس من الضحك ههههههههه "ملحوظه ادخل علي مسئوليتك"

شغلني... شكراً
إسكريبت كله إفيهات

قصة قصيرة فحت وكوميدية مووووووووت

المشهد الأول

(لفيق في الشارع ويتحدث إلى الأب الذي يقف في البلكونة)
الأب: (في ضيق) أنا قطعت كل هدومك وعملتها زينة للسقف... إكسي نفسك بنفسك ودور على لقمة عيشك ف قلب الزبالة
لفيق: يا بابا شغل إيه اللي عاوزني أدور عليه دلوقتي... إنت عارف الساعة كام؟
الأب: يابني ربنا كريم وبيرزق الدودة ف قلب الحجر
لفيق: ادخل نام يا بابا.. مافيش دود بيصحى دلوقتي
الأب: ما أشوفش وشك النهاردة إلا وانت متعشق ف شغلانة
لفيق: متعشق إيه بس إنت بتكلم فيشه
فؤاد: (يمر بجانب لفيق) إيه ده يا لفيق إنت مطرود ولا إيه؟
الأب: بس ياد إنت كمان بوشك اللي عامل زي كيس الفشار
فؤاد: ياعم سعيد إنت ناقع لسانك فين ع الصبح
لفيق: بص يا بابا أنا هطلع دلوقتي وأوعدك قبل المغربية لما العشا تدن هنزل أدور على شغل... أنا أساساً كائن ليلي
الأب: بعد المغربية مش هتلاقي غير أصحابك الحبسجية اللي بيلفوا جوانات تحت الكوبري وأولهم المعفن اللي واقف جنبك ده
فؤاد: ياعم سعيد أنا ساكتلك عشان خاطر ابنك

المشهد الثاني

فؤاد: ولا يهمك.. تعرف الدكتور بهيج اللي فاتح أجزاخانة ع الناصية؟
لفيق: آه عارفه.. كنت باخد عنده الحقنة زمان وياما تنى الإبرة جوا دراعي
فؤاد: عامل إعلان طالب فيه حد يشتغل عنده ف الصيدلية
لفيق: بجد يافؤاد!! والله يبقى ليك الحلاوة

المشهد الثالث

(لفيق مع الأب في المنزل)
لفيق: والدكتور بهيج شايلني فوق دماغه وأي حاجة يجيبها لازم يقاسمها معايا... لدرجة إنه بيقاسمني ف برشام القلب اللي باخده
الأب: عايزك تقفش في الشغلانة دي بإيدك وسنانك... مش عايز صورتك تترج قدام الراجل
لفيق: مافيش قوة هتخليني أسيب الشغل مع الدكتور بهيج ده أنا بقيت ركن أساسي ف الصيدلية... بقولك بيقاسمني اللقمة

المشهد الرابع

بهيج: (في غضب) إطلع برة الأجزاخانة
لفيق: ليه خير؟
بهيج: انت حد قالك تدي حقن؟!
لفيق: أنا قولت أهو قرش داخل الدرج... تخيل إن على كل حقنة بضربها باخد عليها نص جنيه... احسب بقى كام سرنجة في اليوم.
بهيج: وياريتك بتعرف... ده آخر واحد طلع يجري منك والحقنة شابكة في عضله
لفيق: قولتله مش هيحس بحاجة هو اللي خاف وجري
بهيج:طب والراجل اللي قبليه اللي كان هيعملك محضر في القسم؟
لفيق: ده بقى أنا قعدت ربع ساعة أدور على وريد ف دراعه عشان أديله الحقنة... ف الآخر لما زهقت فضيتها ف بقه
بهيج: رجلك ماتخطيش هنا تاني
لفيق: طب ومين اللي هيقف ف الصيدلية من بعدي... ده أنا ستر وغطا ع الأدوية
بهيج: مالكش دعوة... أنا هقفلها خالص... هقلبها فرن بلدي
لفيق: طب ع العموم لو فتحت الفرن واحتجت حد يشيلك شكاير الدقيق أنا معاك ف المصلحة دي
بهيج: (في غضب) بره

ههههههههههههههههههههههههههههههههه
تسلمي يا قمر بجد حلووة

ميرسي يا جنات نورتي التوبيك

» حوار تحفه مش معقول مع المذيع والمسطووووول .......ادخل علي مسئوليتك....هتموت م الضحك
» ههههههههههههه ادخل علي ضمانتك حوار من ايام الجاهيله ....ملحوظه ممنوع الدخول لضعاف القلب
» " انغام " " نفسي احبك " 2009 - CD Q @ 192 Kbps -
» "أحمد" و"مني"..ناقر ونقير !, الحوار الروعة
» يابنت الايه...ههههههههه